गण्डकीका मुख्यमन्त्री पोखरेलले लिए शपथ


पोखरा। गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेलले शपथ लिएका छन्। उनलाई प्रदेश प्रमुख सीता पौडेलले शपथ खुवाएकी हुन्।
प्रदेश प्रमुख सीताकुमारी पौडेलले संविधानको धारा १६८ उपधारा ५ बमोजिम नेपालीलाई मुख्यमन्त्रीमा आजै नियुक्त गरेकी थिइन्। मुख्यमन्त्री पोखरेलले एक महिनाभित्र प्रदेशसभाबाट विश्वासको मत लिनुपर्नेछ।

४ जना मन्त्री नियुक्त
नवनियुक्त मुख्यमन्त्री पोखरेलले पाँच जनालाई मन्त्रीमा नियुक्त गरेका छन्। काङ्ग्रेसबाट कुमार खड्का, नेकपा माओवादी केन्द्रबाट मधुमाया अधिकारी गुरुङ, जनता समाजवादीका हरिशरण आचार्य र स्वतन्त्र सांसद राजीव गुरुङ मन्त्री नियुक्त भएका छन्। उनीहरूले पाउने मन्त्रालय भने तोकिएको छैन।

प्रतिक्रिया दिनुहोस्